რა პრობლემებზე მიგვითითებს ფრჩხილებზე არსებული „ნახევარმთვარეები“?

თუ ფრჩხილებზე დაიხედავთ, ნუნებთან პატარა „ნახევარმთვარეებს“ შენიშნავთ – მათ ლუნულები ეწოდებათ და ისინი გვაწვდიან ინფორმაციას იმის შესახებ, რა ხდება ჩვენს ორგანიზმში…

კარგია, როცა ეს „ნახევარმთვარეები“ ყველა თითზე გაქვთ. და თუ ნაკლებად არის გამოხატული ან საერთოდ არ გვაქვს, ეს უკვე სიგნალია, რომ ჯანმრთელობას უნდა მივხედოთ.

უნდა აღინიშნოს, რომ ლუნულები გარკვეული თანმიმდევრობით ქრება. ეს გამოწვეულია ასაკობრივი ცვლილებებით, როგორც შედეგი ორგანოების გაუმართავი მუშაობისა.
პირველად ნეკი თითის ლუნულა პატარავდება, მერე კი საერთოდ ქრება. შემდეგ არათითისა და შუა თითების ჯერი დგება, ბოლოს კი საჩვენებელი და ცერა თითები „ნებდება“.

1. ცერა თითზე ლუნულა ყველაზე მკვეთრადაა გამოხატული. ის ფილტვებსა და თავის ტვინის მუშაობაზე გვაწვდის ინფორმაციას. ლუნულები დანარჩენ თითებზე რომც არ იყოს, ცერა თითზე, როგორც წესი, ყოველთვისაა და არასდროს ქრება.

ის საგრძნობლად მაშინ მცირდება, როცა ადამიანი აქტიური მწეველია და ფილტვები საშინელ დღეში აქვს. ან როცა ფსიქიკური დაავადებით იტანჯება;

2. საჩვენებელ თითზე ლუნულის არარსებობა მსხვილი ნაწლავის, ღვიძლის ან პანკრეასის არასწორ მუშაობაზე მიანიშნებს, ამასთანავე, მცირე მენჯის ორგანოებისა და სასუნთქი გზების ქრონიკულ ანთებით პროცესებზე.

3. შუა თითი პასუხისმგებელია გულ-სისხლძარღვთა მუშაობაზე. თუ მასზე ლუნულა არ გაქვთ, სასურველია, სისხლძარღვებს მიაქციოთ ყურადღება.

4. არათითზე ლუნულის გაფერმკრთალება ან დაპატარავება ლიმფური და ენდოკრინული სისტემების დარღვეულ მუშაობაზე – მეტაბოლიზმისა და ფარისებრი ჯირკვლის პრობლემებზე მიანიშნებს.

5. ნეკა თითზე ლუნულა შეიძლება უცებ გაქრეს, რადგან ის წვრილი ნაწლავის მუშაობას განსაზღვრავს, ან ნელ-ნელა გაფერმკრთალდეს. ამავე თითზე ლუნულის გაქრობა შესაძლებელია ჰიპერტონიისა და არითმიის მიზეზიც იყოს.

Total Page Visits: 151 - Today Page Visits: 1

Facebook Comments

ავტორიზაცია