საქართველოში ვიზიტების რაოდენობით რუსეთი ლიდერობს

2019 წლის სექტემბერში საქართველოში 917 044 საერთაშორისო მოგზაურების ვიზიტი შედგა, რაც წინა წლის ანალოგიურ მაჩვენებელს 2.8%-ით აღემატება. ამასთან, ტურისტული ვიზიტები გაზრდილია 0.6%-ით და მათმა რაოდენობამ სექტემბერში 539 524 შეადგინა.

არსებული მონაცემებით, 2019 წლის სექტემბერში დაფიქსირებული მონაცემები კვლავ ჩამორჩება იმ პროგნოზებს, რომელიც საქართველოს ტურიზმის სექტორში ბოლო წლებში დაფიქსირებული მაღალი ზრდის დინამიკის ფონზე არსებობდა.

კერძოდ, რუსეთიდან სექტემბერში 147 425 ვიზიტი განხორციელდა, აზერბაიჯანიდან 145 482 (+4.8 პროცენტი), სომხეთიდან 128 670 (+8.1 პროცენტი), თურქეთიდან კი 89 294 (+8.3 პროცენტი).

ამასთან, რუსეთი ლიდერობს იანვარ-სექტემბრის მონაცემებითაც. მიმდინარე წლის 9 თვეში რუსეთიდან 1 205 974 ვიზიტი შედგა (+8.7 პროცენტი), აზერბაიჯანიდან 1 169 831 ვიზიტი (+6.8 პროცენტი), სომხეთიდან 993 144 (+3.9 პროცენტი), თურქეთიდან კი 907 350 (+1.7 პროცენტი).

Total Page Visits: 1622 - Today Page Visits: 3

Facebook Comments

ავტორიზაცია


რეკლამის გათიშვა

თქვენი რეკლამის ადგილი


598-89-37-62